www.zhuangzu.net

今日
一周
本月
收听排行

返回列表dj壮语学习信息

壮语900句(视频+文字)第24课 购物
来源:http://blog.sina.com.cn/s/blog_7ca87ecc0100qvlv.html | 发布时间:2015-03-20 | 浏览次数:3   

壮语900句(视频+文字)第24课 购物(壮语视频教学)


Mwngz ndei! mwngz siengj cawx gijmaz?
Gou siengj cawx geu buh ndeu.
Diemq dou gak cungj buh cungj miz. cingj haeujdaeuj,
Cungj buh neix miz geij cungj saek.
Miz saek ndaem, saek henj, saek hau caeuq saek nding(hoengz).
Mwngz gyaez cungj saek lawz.
Dawz geu buh saek nding neix daeuj hawj gou yawjyawj, ndei lwi?
Ndaej ha, hawj mwngz.
Gou sawqsawq yawj ndaej lwi.?
Mwngz bae ndaw fuengzsawqbuh sawq ba.
Geu neix raez di, miz dinj di lwi?
Miz, gou bae ra hawj mwngz.
Gou couh aeu geu neix lo.
Gyaqcienz geijlai?(geijlau ngaenz)
Song bak maenz.
Bengz lai lo. noix di ndaej lwi?
Youq ndaw bwzho *sanghden mbouj gangjgyaq.
Faen cienz faen huq.
Mwngz hawj geijlai.
Bak maenz ndaej lwi?
Mbouj ndaej law(le), ceiq noix bak haj maenz.
Bak sam maenz ndaej lo. gou couh aeu geu neix.
Mwngz caen rox gangjgyaq.
Ndaej lo, gai geu hawj mwngz ba.
Neix dwg bak sam maenz. mwngz geqgeq yawj.
Gaeuq lo. Gij vaq diemq dou *yienghsik hix ndeiyawj raixcaix.
Mwngz mbouj cawx geu ndeu?
Vaq, baezlaeng caiq cawx.
Mwngz ndei byaij, mwngz ndei gai lo.
Mwngz ndei, gou *gojyij bang mwngz gijmaz.
Gou siengj cawx aen *densigih ndeu.
Mwngz siengj cawx gijmaz *baiz?
*Cangzhungz *baiz. ngeih cib gouj *conq.
cingj mwngz gvaq mbiengjhaenx bae yawjyawj.
Aen neix mbouj loek.
mwngz hai hawj gou yawjyawj.
Ndei, mwngz yawj ba.
Gou couh aeu aen neix lo.
Sou soengq huq daengz ranz lwi?
Youq ndaw haw soengq, youq rog haw couh mbouj soengq lo.
Youq gizlawz gyau ngaenz ne.
Mwngz dawz mbaw *fei neix bae gizsoungaenz gyau ngaeuz.
Mwngz siengj aeu gijmaz.
Gou siengj cawx di makit.
Gij makit neix ngamq aeu ma.
Mwngz cimzcimz yawj.,
W,mbouj loek, gaen geijlai cienz.
Gaen sam maenz.
Bengz lo, song maenz ndaej lwi.
Song maenz mbouj ndaej.
Gou bae aeu huq gaenq gaen song maenz lo.
Mwngz hawj gou song maenz bet ba.
Song maenz haj ndaej lo. gou aeu sam gaen.
Song maenz haj couh song maenz haj lo.

--------情景1------------
*Laujnungz,ranz sou ndaem baenzlai gomak,
Gag dawz mak bae gai, baenzlawz gai ndaej liux.
Gag dawz bae gai, *dangyienz gai mbouj liux lo.
Seizneix dajndaem *conhyezhu.
Dajciengx *conhyezhu bouxlawz lij gag dawz bae gai dem.
Yienghneix sou baenzlawz guh ne.
o, dou caeuq gyoengq *lauxbanj diegrog *dingh *habdoengz.
Daengz seiz ok mak le, gyoengqde couh hai ci daeuj henz suenmak raeuz *sou.
Suenq cienz couh ndaej lo.
O, yienghneix couh ndei lai lo.
-------sat----------------

TAG:

 上一篇:壮语900句(视频+文字)第23课 打电话
 下一篇:壮语900句(视频+文字)第25课 谈生意

发表评论

评论加载中...
标题:
内容:
验证码: